कविता क्लब
एक हुल कवि तथा पत्रकारले गठन गरेका छन्- कविता क्लब, काठमाडौं । कविहरू विमला तुम्खेवा, मणि लोहनी, पदम गौतम, नारायण श्रेष्ठ अनि अनमोलमणि मिलेर यो क्लब गठन गरेका हुन् । प्रेम दिवसको अवसर पारेर सदस्यहरूले ‘प्रेम कविता’ वाचन गर्ने भएका छन् ।
गुरुकुल र कविता क्लबको संयुक्त पहलमा शालीन र बौद्धिक श्रोता र दर्शकको उपस्थिति रहने जनाएका छन् । ‘कविता क्लब कविताको परम्परागत ढर्राबाट माथि उठेर समयानुकूल कवितालाई आम मानिससम्म पुर्याउने सोचका साथ उभिएका जुझारु युवाहरूको समूह हो,’ क्लबद्वारा जारी विज्ञप्तिमा भनिएको छ- ‘प्रेम मानवीय मूल्य मान्यताको सबैभन्दा कालजयी विषय हो भने संसारका सबै बेथितिलाई प्रेममय भावनाबाटै जित्न सकिन्छ अहंले होइन ।’
