शान्ति हुन्छ हुन्न कुन्नी युद्ध जारी छ
रक्तपातको घटनाले यो मन भारी छ
शान्ति हुन्छ हुन्न कुन्नी युद्ध जारी छ ।
प्रतिकूल छ आजभोलि समय परिस्थिति यहाँ
रामराम भन्ने पनि हतियारधारी छ ।
चारैतिर छलकपट र आतंकको श्रृंखला
केका लागि नेपालमा काटामारी छ ।
एउटै आमाको काखमा हुर्किएका दाजुभाइ
बन्दुक बोकी एउटा वारी अर्को पारी छ ।
कसले दिन्छ स्वतन्त्र भै बाँच्न पाउने अधिकार
विन्ती गर्यो जसलाई यहाँ उही अत्याचारी छ ।
चेलीबेटी दिदी बहिनी भन्न छाडे पिचासहरू
मै हुँ राम भन्छ आफै बलात्कारी छ ।।
भुर्तुङ-९, नागा गुल्मी
