आइ लभ यू
दिलमाया, भरिदेउ अझै,
गिलास माथि गिलास
सत्ते……. सवै पिएको हैन मैले
आधा गिलास त छचल्किएरै पोखिएको हो
तिम्रो वैश छचल्किए झै,
तिमिलाई के भनौ रु
आज नशाले चुर हुनु छ मलाई
घांटीमा अड्किएको कुरा छादनु छ मलाई
भर्खर त घाम पल्लो डांडा पारि खस्यो
ओल्लो डांडामाथि जुन कहिले टेक्छ रु
अव मलाई चिन्त छैन त्यस्को, मात्र हतार छ
फगत मेरो प्यासी ओठमा गिलास टेकाउन
र आकाशको जुन हैन धर्तीको जुन नियाल्न ।
तिम्रै अगाडि उभिएर,
भर्खरै त दिनले रातको पछयौरी ओढदै छ
र त मेरो गाला र घांटी रसिलो हुदै छ
तिम्रो नशामा जति म मात्तिने गरिन्थ्यो
आज त्यो भन्दा वढी मात्तिदै छु
आंखा त मेरो पहिले नै लाल थियो
किनकि म पहिले आंखाले पिउने गर्थे
अहिले त्यो लाली मेटाउन घांटीले पिउदै छु
त्यसैले भरिदेउ अझै गिलास माथि गिलास ।
तिमिलाई आवगत नै छ,
तिम्रो भट्टीको मझेरीमा वस्दा वस्दै,
म तिम्रो मनको मझेरीमा उक्लि सकेको छु
घरको वाटो विर्सि सकेको छु अव त
त्यसैले रात छिप्यो घर जानुस नभन्नु मलाई
विन लादेनको साहस पैचो लिएपनि मैले,
दुइ घुट मुखमा नपोखिन्जेल जिब्रो हिडदैन मेरा
खोपडी छेउको दुइ कन्चट वाट तातो लहर
टाउकोमा एक पटक फनक्क घुमेर
कानहरु रातो र तातो पार्दै शरीर भित्र हिडेपछि
सुतेका तन्तुहरु फडफडाउदै जागेपछि मात्र
म वोल्छु, कराउछु, र देखाउछु आफनो साहस
अनि अनायसै मनको कुरा घरि घरि छादछु
आइ लभ यू ,
आइ लभ यू ।
घाचोक कास्की
हाल हङकङ
Dear Friends
Please visit this site as well.
It is really informative.
http://www.hamroblog.com/
Comment by Sujit — July 26, 2006 @ 12:14 am
Nice poem!!
I am for the first time here!!!
Comment by Deepak Luintel, Shanghai — August 1, 2006 @ 1:01 pm