मेरो बारेमा साहित्यिक वेबसाईटहरु नेपाली वेबसाईटहरु नेपाली ब्लगहरु दैनिक पत्रीकाहरु साप्ताहिक पत्रीकाहरु

प्रस्तुत गजल मैले पहिल्यै नै राख्नुपर्ने हो तर इन्टरनेटबाट केहि टाढा भएको कारण राख्न सकिरहेको थिइन तथापी यु ट्युवमा भने धेरै अगाडी अपलोड गरेको थिँए । आज यसो साइबरमा पसेको बेला उक्त भिडियोलाई राख्नु पर्यो भनेर हेरेको त जुन फाइल अपलोड गराउन तयार पारेको थिँए उक्त नगराएर तयार नभएको टुक्रा पो परेछ । आफुसँग अहिले इन्टरनेट नभएको हुदा फेरी मिलाउन पनि गाह्रो भएकोले जस्ताको तस्तै यहा राखेको छु ।एक तराइ बासी मित्रले खुबै जोस र जाँगरका साथ वाचन गरेको गजल हेर्ने हो भने प्रस्तुत भिडियो हेर्नुहोला ।

म त यस्तो भएँ
सवैभन्दा सस्तो भएँ
परदेसिएको पलछिनर्मै
जनै पनि फालि दिएँ कतै

कन्दनी त यस्तै उस्तै
हरि ओम् जप पनि हरायो कतै
एक्कासौ शताब्दीको परिवेशमा
आफ्नोपन पनि हराएछु सायद कतै

यिनै परिवेशमा लामो लामो पारिहाले दारी
कपाल चाँहि धुजा धुजा पारें बेसरी
चश्माको स्टाइल पनि निकै फेरियो
मुतुवा वन्ने जमर्कोमा सलाम वालेकुममा झरियो

खै को नै छ र परदेशमा सम्झाउँने
जति छुद्र भयो उत्ति नै साथीहरु रमाउँने
विग्रिएर यस्तै भो चाला
अव त परदेशमै सायद जीवन जाला

आधा बाटोमै छोडीजाने निस्ठुरी तिमी
मुटुभरी चोट दिने पापीनी तिमी

आफ्नो हृदयभित्रै मारेर मलाई
प्रेमको हत्या गर्ने अपराधी तिमी

सुखमा साथदियौ दुखमा छाडीदीयौ
मेरे मर्म नबुझ्ने बैगुनी तिमी

क्षणीक आनन्दमा फसेर मलाई
सारा खुसी लुट्ने स्वार्थी तिमी (more…)

बन्दुकाको निसाना लाग्दा लाग्दा
रक्ताम्मे भएको मन
अब नदुख्ने भइसकेको छ
त्यसैले चरैतिरबाट निसाना दागिरहेका
तिनका हातहरु थरथर काम्न थालेका छन्
जब एउटा फूलमा
पहिलो पटक परेको सूर्यको किरण
त्यस्को तरेलीमा
टपक्क परेको शीतको दानासँग चिप्लेटी खेल्छ
त्यहा कोटी सूर्यको उज्यालो
दिप्यमान भएका हुन्छ
त्यसैले त एउटा शीतको थोपासँग
अजङ्गका बन्दुक बोकेका हातहरु
काम्न थालेका छन्
त्यो थोपा
कुनै पनि क्षण विलय हुन सक्छ
आफ्नै धरासँग
यहिको बगरमा,यहिको पाटोमा
तर त्यो दिप्यमान किरण
उषाको लालिमा बनेर
एउटा सुन्दर बिहानीको प्रतिक्षारत छ

ईमेल: buba@wlink.com.np

मेरा मित्र कविराज पौडेलहरूले छन्दका श्रेष्ठ कवि भनी माधवप्रसाद घिमिरेलाई रूपन्देहीमा स्वागत तथा सम्मान गर्ने भनेका छन् । पौडेल छन्दमा विषेश चाख राख्ने साहित्यका विद्यार्थी हुन् । नेपाली साहित्यको परम्परागत शैली जोगाउन उनले छन्दवादी साहित्य समाज गठन गरेका छन् । नेपाली साहित्यमा र·ीच·ी फूल फुलाउन उनले गरेको काम एक महत्वपर्ूण्ा कुरा बनेको छ । त्यसैले उनका छन्दवादी काममा सघाउनु हामी सिकारू साहित्यकारहरूबीचको आपसी सद्भाव र सहकार्य हो । हामी आपसमा सहयोग गरेर नै नेपाली साहित्यमा सक्रिय बन्न सक्दछौं । नेपाली भाषा र साहित्य विकास गर्न योगदान दिन सक्छौं । साथसाथै हामी आफै पनि नेपाली साहित्यका असल विद्यार्थी बन्न सक्छौं । हामी आफै नेपाली साहित्यको बृहत अध्ययन गर्न पाउ“छौं । यसमानेमा पनि मेरा मित्र कविराजले पछिल्लो पटक प्रारम्भ गरेको यो छन्दवादी साहित्यिक आन्दोलनलाई सहयोग गर्नु आवश्यक छ । किनभने एकछत्र रूपमा गजलको बाढी आएको बेलामा पनि छन्दको परम्परालाई पुनःउत्थान गर्न खोज्नु आफैमा कम साहसको कुरा होइन । (more…)

निरङकुशता ढलाइ देशमा स्वतन्त्रता आएको छ
इतिहासमा लोकतन्त्रले छुट्टै स्थान् पाएको छ ।।

इतिहासलाइ पल्टाएर देशले कोल्टे फेर्दा बल्ल
शान्ति आउँछ भन्ने आशा नेपालीमा छाएको छ ।।

शान्ति ल्याउन देवताले रगत बली मागेपनि
शहिदको आलो रगत यै देशले खाएको छ ।।

शोषण, दमन अन्त्य गर्दै समानताको दीप बाल्न
आँट साहस बटुलेर आम नेपाली धाएको छ ।।

बर्तमानलाई थाँति राख्दै भबिष्यको भाग्य कोर्दै
कोइलिले’नि शान्ति ! शान्ति !! शान्ति !!! गीत गाएको छ ।।

अर्पन तमाङ

छाती थापी गोली खायौ
गर्धन काटी रगत दियौ
ए शाहीद ,
भन तिमीले के पायौ ?

स्वत्रन्तता को लडाईं लड्यौ
समान्त को सङ्ग्राम गर्यौ
खुला आकास को कल्पना गर्यौ
सन्तती को भबिस्य चाहेउ
पसिना पोखेर कर्मा गर्यौ
पाखुरी मा बल सिचेर
पत्थर लाइ पनि फोरी पगाल्यौ
देश को लागि मार्छु र मर्छु भनि
बलिमा चाडाएको बोका बन्यौ
ए शाहीद ,
भन तिमीले के पायौ ?
(more…)

शान्ति ! शान्ति !! शान्ति !!! गाउँने आफन्तकै मेला आओस्
विज्ञान बिछ्याई, विज्ञान ओढी, गर्व गर्ने बेला आओस् ।।

‘जननी जन्मभूमीश्च सोर्गादपी गरियसी’
यस्तै भाव बोकी अघि कुद्न आँतुर मेला आओस् ।।

टाढिएका शान्तिप्रेमी गौतमबुद्ध फर्काउन
सन्यासको भेषमा एक्लै ध्यान गर्ने चेला आओस् ।।

दौरा सुरुवाल कति राम्रो, तेसमाथि नि ढाकाटोपी
बोक्रेपन, नक्कल झक्कल फेशनप्रति हेला आओस् ।।

देशकै हितमा मुत्यु वरण गरी नाम कमाउँनुछ
नछोडौँ भो जोस साहस चाहे हात्मा ठेला आओस्
शान्ति ! शान्ति !! शान्ति !!! गाउँने आफन्तकै मेला आओस्

कतारका नेपाली युवाकविहरुलाई उडुसले टोकेर दुख दिएको पिडा पश्चात आज अर्को यौटा भिडियो यहाँ राख्दैछु । प्रस्तुत कविता पद्यमा लेखिएको छ र यो कवितामा कविले आफु कतारमा दुख गर्न आएको बेला उता घरमा बालबच्चा परिवारलाई परेको पिडा समस्या लाई केलाउने कोशीष गरेका छन । मोति जयन्तीको अवसरमा वाचन गरीएका साहित्यिक रचनाहरुलाइ यहाँ राख्ने क्रममा स्विकार्नुस यो नवौं भिडियो

पर्खिन्छ रे भनिदिनु जुनि-जुनि लाई
सञ्चै छ रे सुनाईदिनु मेरी उनि लाई

झल्को आउँछ उकाली र अनि ओरलीको
बिर्स्या छैन भनि दिनु भाकल देउरालीको

ओइलाएको छैन भन्नु चढाएको फुलपाती
भन्दिनु है लाग्छ अरे दौलत भन्दा माया जाती
भनिदिनु रुदै छ रे चौतारी र वनपाखा
हुन्न अरे भनि दिनु ओभानो त्यो आँखा

भनि दिनु बस्छअरे तिमी आउने भञ्ज्याङ कुरी
तारा गन्दै टोलाउछ रे भनि दिनु रात भरि
मनकामना पाथिभरा दक्षीणकालीको
भाकल छ रे दन्तकाली बुढासुब्बाको

भनिदिनु भाकल छ रे सम्झे जतीको
हावा छेकी बस्छ भन्नु दियो जलेको
केही गरी दियो निभे मेरी उनि लाई
खोट नलगोस् भन्छन अरे जुनि -जुनि लाइ

काँडा बिझी शही दिउला टेक्ने पैतालामा
तिमी बाहेक छैन कोही पापी संसारमा
त्यसैले ,
पर्खिन्छ रे भनि दिनु जुनि-जुनि लाइ
सञ्चै छ रे सुनाईदिनु मेरी उनिलाइ
अर्पन तमाङ
सुन्सरी-तरहरा २ ,
हाल , टेक्सास युनिभर्सिटी ,कतार

देशमा होस या विदेशमा कथा आफ्नै हुन्छ ब्यथा आफ्नै हुन्छ । बुझ्नेले बुझिहाल्छन नबुझ्नेले हाँसेर उडाइदिन्छन । घर परिवारले सोच्दाहुन छोरो बिदेशमा पैसा कमाउन गएको छ टन्न पैसा कमाएर आउँछ भन्ने तर विदेशमा छोराको कुन हविगत छ त्यो त सायदै सबैलाई थाहा होला । विदेशमा कामगर्दा कती मान्छेको गाली सुन्नुपर्छ , कतीको अपमान सहनु पर्छ त कतीको त कुर्टाई पनि खानुपर्छ त्यो त छँदै छ तर यहाँ एक युवाकवीले भने अली भिन्नै कारणले पिडीत भएको गुनासो गरेका छन । उनलाई कतारको चर्को घाम , तातो हावा , साहुको हप्की दप्की , अपमान र शोषण भन्दा पनि उडुसको टोकाइले सताएको छ त्यै भएर मोति जयन्तीको उपलक्ष्यमा भएको साहित्यिक वाचनमा उनले त्यो गुनासो सहीतको एक गजल सुनाए । उडुस पिडीतकै आवाजमा गजल सुन्ने हो भने तल दिएको प्लेएरको प्ले वटम थिची प्ले गरेर हेर्नु होला । सुरुका चारलाइन भने यसप्रकार छन ।
काम पर्‍यो श्रमीकको ढुङ्गा सिमेन्ट बोकाई छ ।
रातभरी नै निन्द्रा छैन उडुसको टोकाई छ ।

तातो हावा तातो पानी तातै छ धर्ती आकाश ,
कसो गरी जिउ लाग्थ्यो सिद्रा जस्तो सुकाई छ ।

मोति जयन्तीको अवसर पारेर नेपाल कतार पत्रकार संघले आयोजना गरेको साहित्य वाचनमा वाचीत साहित्यलाई यहाँ राख्ने क्रममा आज सातौ भिडियो राख्दै छु । तर आजको भिडियो चाँही अरु कसैको नभएर आफ्नै परेको छ । एक मित्र कुमार कार्कीको निमन्त्रणालाई स्विकार्दै म उक्त कार्यक्रममा गएको थिँए र एक गजल वाचन गरेको थिँए । गजल मोतिरामले लेख्नेजस्तो सिंगारीक धारमा चाँही छैन । देशको बदलिंदो परीवेश लाई मध्यनजर राख्दै लेखिएको गजललाई कति साथहरुले मन पराउनु भयो भने कतिले इमेल बाट गाली पनि गर्नुभयो त्यस्को लागी मेरो भन्नु केहि छैन्ा । जस जसलाई यो गजल मन परेन अथवा गजल सुनेर चित्त दुख्यो उहँाहरुको लागी यो भिडियो फेरी दोहोर्‍याएर नहर्ेर्ने सल्लाह भन्दा अरु म केहि दिन सक्दीन । यस ब्लगको ब्लगर चहल सयपत्रीलाई हर्ेन मन छ भने यो भिडियो हर्ेर्नुहोला र यदी तपाइँको कम्प्युटरमा भिडियो प्ले हुँदैन भने गजल पढ्नको लागी भित्र जानुहोला ।
गजलको वाचन भन्दा पहिले वाचन गरेको एक मुक्तक भने यस प्रकार छ ।
मै हुँ भन्ने तानाशाहलाई जनताले ढालेका छन ।
उसका हरेक अवशेषलाई उखलेर फालेका छन ।
जनताका छोराले जागीर खोसीदीए पछी ,
राजा अचेल इन्टरनेटमा जुवा खेल्न थालेका छन ।

गजल पढ्नको लागी भित्र जानुहोला (more…)

विविध प्राविधिक समस्याका कारण सम्पूर्ण भिडियोहरुलाई राख्न नसके पनि अझै म सँग केहि भिडियोहरु तयार छन यस ब्लगमा राख्नको लागी । आजको लागी चाँही कतारका नेपालीहरुका लागी अति विशिष्ट ब्यक्ती मानीनुहुने श्री राजेन्द्र पाण्डे ज्यु को कवितालाई यहाँ राख्ने जमर्को गरेको छु । सुने अनुसार कतारमा रहेका लगभग एक लाख पचास हजार नेपालीको लागी उँहा एकमात्र अभिभावक मानिनुहुन्छ अरे । तर आफुलाई आजसम्म कतारमा कुनै समस्या नपरेको हुदा यो के कति सत्य हो त्यो अनुभव गर्ने अवसर त मिलेको छैन तथापी साना तिना कार्यको लागी भने उहाँको कार्यालयमा भने एक दुइ पटक पुगेको थिएँ । उहाँ अर्थात कतारका लागी नेपाली कार्यवाहक राजदुत हुनुहुन्छ । कार्यक्रममा सुने अनुसार उँहाले गीत पनि लेख्नुहुन्छ र केहि गीतहरु रेकर्ड पनि भएका छन अरे तर मलाईचाँही उहाँको बारेमा पुर्ण जानकारी नभएको हुँदा अरेको भाषा प्रयोग गर्नु परिरहेको छ त्यस्को लागी क्षमा चाहन्छु । आशा छ यदी उहाँले यो ब्लग हेर्नुभयो भने सायद केहि प्रतिकृया अवश्य आउने छ भन्ने । उहाँले वाचन गरेको कविता हेर्ने हो भने तलको भिडियो प्ले गर्नुहोला । कविताको दुइलाईन एसप्रकार छ
थाहा छैन,
आजभोली भानुभक्तहरु के देख्दैछन
तर घाँसी त हँसीया छाडी बन्दुक समाउन कुदेको थियो

०६३ भाद्र २० गते यु. ए.इ मा कामको सिलसीलामा आएका नेपालीहरुले आफुहरुमा रहेको साहित्य प्रतिको रुचिलाई यथावता राख्नको लागि अमेरीकामा प्रधान कार्यालय रहेको र विश्वका ४४ राष्ट्रभन्दा बढिमा आफ्ना च्याप्टरहरु खोल्न सफल अन्तराष्ट्रिय नेपाली साहित्य समाजबाट स्वीकृती लिई यु.ए.इ को दुवईमा अन्तराष्ट्रिय नेपाली साहित्य समाजको केन्द्रीय कार्यालय स्थापना गरिएको छ । यस केन्द्रीय कार्यालयमा १३ जनाको कार्यदल गठन गरिएको छ । कार्यदलहरुमा बरिष्ठ सल्लाहकार खेमनाथ पाैडेल, सल्लाहकार गोपि महत, स्याम शर्मा, दुगादत्त पोख्रेल, सभापति बाल चन्द्र पोख्रेल, उप-सभापति बिष्णु दाहाल, महा-सचिव सुभास अधिकारी, सचिव तारानाथ न्यौपाने, कोषाध्यक्ष ऋषिराम पोख्रेल, सदस्यहरु जगन्नाथ पौडेल, कृष्ण प्रसाद अर्याल, रवि भट्ट, नेत्र ब. -राजन) भट्टर्राई रहनु भएको (more…)

मोति जयन्तीको उपलक्ष्यमा गरिएको साहित्य वाचन कार्यक्रममा खिचेका भिडियोहरु अdmै केहि बाँकी रहेको हँुदा आज अर्को यौटा भिडियोलाई यहाँ राखेको छु तर यो भिडियोमा न त कसैले कविता सुनाउँछ , न त गजल । एक युवा सहभागीले एउटा मिठो गीतको ट्रयाकमा आफुले गीत प्रस्तुत गरेका थिए । यो गीत मलाई साह्रै मनपर्ने गीत भएको हुँदा भिडियोमा कैद गरेको थिएँ जसलाई यहाँ राखेको छु तर माफ गर्नुहोला गीत गाउने ति स्वरका धनी मित्रको नाम भने मलाई थाहा भएन यदी तपाँइलाई थाहा छ भने कमेन्टमा लेखिदिनु होला ।

मोति जयन्तीको उपलक्ष्यमा भएको साहित्यवाचन कार्यक्रममा वाचित साहित्यहरुलाई भिडियो ब्लगमा राख्ने क्रममा पुन चौथो भिडियो यहाँ राखेको छु । आयोजक मण्डलले बनाएको एउटा मात्र कविता वाचन गर्ने नियमलाई तोड्दै दुइओटा कविता वाचन गरेका प्रस्तुत कविको पहिलो कविताले धेरै वाह वाह लुट्न सफल भएको थियो ।
कविताका केहि हरफ यसप्रकार छन ।
चुम्वन खाइरहेकी छन ति कश्मीरी गालाहरुमा
मादकता छ उनको अंग प्रत्यङ्गमा
मस्त छिन उनि श्रीमानको बाहुपासमा
छाइरहेछ कि सुन्यता ,
लाग्छ त्यो कुरुक्षेत्रको विनास पछीको सन्नाटा
अनि रती र कामदेवको समागमको सुरु
सुनिन्छ अन्धकारमा सुस्क आवाजहरु
अनुभुती गर्छीन उनि शिथिलताको चरम उर्त्र्सगको
न त यो द्वन्दको प्रहरको सुरुवात हो
नत यो विश्वकप फुटवलको रोमान्चक भिडन्त
सायद यो श्रृजनाको इतिहाँसको कृणा हो
त्यसैले रोमान्चक खेल चलीरहेको छ
दुइ खेलाडी स्वयं दर्शक बनि

वाँकीको लागी भिडियो नै हेर्नुहोला